S.A Stoners ©
 

صباحهم/مسائهم عسل, حسب التوقيت المحلي
هع
في صباح من الصباحات... صحيت تعبان وماكان لي مزاج اداوم بصراحه
فـ سحبت ع المحاضره, وقمت زبّطت لي كوفي, خذيت لي قطعة كيك, ولعت زقارتي, وجلست أحوس في النت وأشوف وش تغير في الدنيا من عقب مانمت ....؟؟

حصلت إيميل من واحد من الشباب عنوانه ((وش اسم أمك؟)) ... قلت بشوف؟
مع العلم ان خويي هذا كريه وإيميلاته أكره منه ودايم أحذفها ما أقراها, لكن فضولاً مني قلت ابي اشوف وش سالفة هالسؤال؟؟
والله يا انت ملقوف بعد!! ههههههههههه>>>
المهم فتحت الإيميل... ولقيت هالمقطع
وش اسم أمــك ...؟؟

شفت المقطع و خذتني الذكريات لأيام قديييييمه, كانت أيام المدرسة, كنت ألاحظ على اللي معاي انزعاجهم الشديد من الشخص اللي يعلم الطلاب بإسم أم الثاني!ا
البزارين يتجمعون في الطلعه, وكلن ينادي اخوياه وعيال عمه
وتـتصفـف الجيوش, وتقوم المعركه, والتبقيس والمطامر... ليش؟
علشان واحد علم البزارين بإسم أم الثاني!ا
مـــــن جــــــدكـم؟؟!؟؟

بس كنا أطفال, وكنا نتصرف بجهل ... العتب ماهو علينا
العتب على اللي عايشين هالتفكير وهم رجال "متحضرين"ا

تربينا على عادات وتقاليد
مانختلف ان عندنا الكثير من العادات الكويسه واللي ميزتنا عن الكثير
بس معليش يالطيب انت واياه, تجي تقولي عيب اقول اسم أمي؟؟
أو الثاني يقول مايصير؟؟
أو الثالث يقول مجتمعنا حتم علينا مانقول؟؟  ...ا
مـــــن جــــــدكـم؟؟!؟؟

صحيح حنا في مجتمع محافظ, بس هل هذا الشي من مقومات الحفاظ على المرأه؟؟
أنا أشوف عكس كذا تماماً... هذا الشي يدل على التقليل من قدر المرأه 
إذا بترجع لي ع الدين.. فـ الرسول محمد -عليه الصلاة والسلام- لم يخجل من ذكر اسم أمه, وزوجاته, وبناته, ولا قال انهم "عوره" ولا قال عيب ياللي تشوف ان ذكر اسم أمك عيب! أصلاً مجرد انك تفكر انه عيب, هذا عيب عليك!ا

انا عن نفسي يشرفني اقول اسم أمي, (ولايهون الوالد) بس إسم الوالده أعز على قلبي ومهما حاولت أضل مقصر ولايمكن اظهره بالصوره الجميله اللي انا اشوفه فيها

للأسف اللي نعتبره "حفاظ على المرأه" هذا ماجاء لا في كتاب ولا سنه ولا بتاع
قال ايش... قال استحي اقول اسم أمي!! الله يلعن أمك سألناك عن اسمها مو مقاسها
ويقولون شعب متحضر وشعب مثـقـف!!ا
ياشيخ رووووح موت انت واياه
حاجه تفقع القلب وربي
أقول... اروح أشيّك على الفيسبوك أحسن والله
لابارك الله في إيميلاتك يا الخال
سلاآاآامـــ



Z/الكاتب



Leave a Reply.