S.A Stoners ©
 

أول شي: السلام عليكم ورحمة الله
(:
ثاني شي: ((الموضوع للعازفين, و الناس السمّيعه اللي تفهم بالموسيقى
يعني بليز إذا مالك في العزف ولا النغم لاتضيع وقتك بالقراءه))ا

في يوم كنت جالس مع شباب زقرت كويسين في مجلس من المجالس الكويسه
ودائماً اذا اجتمعنا تلقى 2 يلعبون بلايستيشن(كوره) وواحد يسولف مع خويته وماسك زاويه, وواحد مفهي مع اللابتوب ولايدري عن أحد, وواحد يسوي حاجات موكويسه الله يستر علينا هههههههههه.. المهم فـ عادتاً احد منا يتبرع ويصير (دي.جي) ويشغل لنا اغاني من اليوتيوب كـ خلفيه للسوالف والبلايستيشن والإزعاج.ا

القروب حقنا ولله الحمد كلهم كويسين أذونهم موسيقيه
وانا عن نفسي أقدّر الفن الحقيقي مش أي #@%! يطلع يغني ينسمع له!ا
مع هذا دائماً الدي.جي حقنا مايصمل اكثر من 5 اغاني ويقول: خلاص ماعرف!!ا
المهم ذاك اليوم سمعنا كم أغنيه عباديه, دخلنا بعد كذا على نوال الكويتيه, أخذنا الطرب عقبها على كم تحفه فيروزيه, على شوية صباح فخري على تقاسيم حجازيه
وشوي واحد من العيال شطح شطحه غبيه وشغل لنا دبكات!! نعععم؟؟؟هههههههه
قام الثاني وأخذ منه اللابتوب وحط أغنية "زين" وعملاق العيد, اللي عقبه قال دقني ودقني دق, اللي عقبه شغل اغنية "آنا يجي من بنغال"! قام كلن يقط أغنية غبيه نحطها

انا هنا كبرت الفكره براسي, قلت بشغل اغاني كارتون قديمه (رسوم متحركه)ا
مسكت غلط وقمت احوس باليوتيوب, وحطيت أغنية ماوكلي!! انبسطوا العيال وقالوا شفت اغنية قديمه غيرها...  خذيت لي لفه بين المقاطع وطاحت عيني على هذه
صــــــاحب الـظــل الطويــــــــــــل
اتمنى تركزون باللحن والموسيقى كـ كل
ملاحظة: اختيار هذه الاغنيه لايعني انها أفضل مثال

متأكد فيه ناس اول مره تمرعليهم هالأغنيه
وفي ناس رجعت بهم الذكريات لأيام الطفوله
وفي ناس سمعوا أول 30 ثانيه و قفلوا المقطع لأن الأغنيه بايخه....
 اللي سوى هالحركه ومازال يقرأ موضوعي, فـ هذا درج و أحمق!! لأني قلت اللي ماله بالموسيقى لايقرأ ويظيع وقته, والفاهي مازال يقرأ

المهم... شد انتباهي اللحن و التوزيع, ولو اني كنت أسمع هالأغاني كللللل يوم وأنا صغير, بس ماعمري ركزت الا ذاك اليوم مع الشباب. المقطع دقيقه ونصف, فيها من الإبداع اللي يخلينيا نشرح ونوصف لساعه قدام.... مع الرغم انه مجرد مسلسل كرتوني حق اطفال, نلاحظ عذوبة اللحن والجهود المبذولة علشان يطلعون بهالقطعه الفنيه! دقيقه ونص كانت مهمله في صفحات الماضي الجميل وصدناها انا والعيال.ا

مرت علينا ذاك اليوم أغاني كثيرة لرسوم متحركه كلها كانت تعرض أيام الثمانينيات و بداية التسعينيات.... لاحظنا ان أغلبها كان فيها لمسة طرب, على شوية سلطنة, وكنا فعلاً وقتها مستمتعين بالنغم وداخلين جو مع افلام الكارتون

في نفس الوقت وانا أدور أغاني ثانيه لرسوم متحركه, لقيت هذي
ملاحظة: مع فائق الإحترام لمتابعي هذا المسلسل, الا انه تم اختيار الأغنيه للمقارنه فقط
لما نسمع صاحب الظل الطويل.... ونسمع الطرب وعذوبة النغم
ونجي عقبها نسمع أبوقتاده.... ونسمع التنكّس والإختراش وسرعة اللحن
نلاحظ فرق السماء والأرض بين الأغنيتين

تبون تقولون لي ان هذا مسلسل وهذاك مسلسل ثاني؟ وهذه قصه وهذيك قصه ثانيه؟؟
انتوا كذا لسى مافهمتوا النقطه!! انا مش جالس أتكلم عن هالأغنيتين وبس
انا جالس أتكلم عن الإبداع الموسيقي والتلحين بصفه عامه بين قبل والحين
صاحب الظل الطويل كان عام 1985 الظاهر... وأبو قتاده عام 2010
ولنفرض ان بينهم 25 سنه, هل تبون تقنعوني ان خلال هالـ 25 سنه ماتغير شي؟؟

انا مابي أتكلم عن اغاني زمان وأغاني هاليومين, لأن بصراحه مستحيل الاقي كلمات توصف اللي ابي اقوله عن التدهور الفني الحاصل
بس خلونا على اغاني افلام الكارتوون..!ا
اللي حاب أقوله ان الجهد المبذول في تلحين أغاني الكارتون زمان يختلف عن الحين
وان الطرب الحقيقي اللي كان يلقن للأطفال عن طريق الرسوم المتحركه للأسف انقطع

إذا الجيل الجديد رح يكبر على أغاني ضعيفه مثل بوقتاده ... راح تتعود اذنه على حاجات زي كذا, وهنا نقول على الطرب الحقيقي السلام
المولود اليوم, لو تسمّعه "صاحب الظل الطويل" بعد 30 سنه, رح ينصدم ان أغاني الرسوم المتحركه كانت كذا!!!.. هذا إذا صار فيه رسوم متحركه بعد 30 سنه أصلاً
هههههههههههههههههههههههههههه

يرحم زمانك يافن, ويلعن ابوك يالفقر
يلا ياسيدي, عيش وسيب غيرك يعيش
انا بروح هناك شوي واجي
سلام




Z\الكاتب
جميل
21/11/2011 02:19:01 am

جميل

Reply



Leave a Reply.